ფეისბუკის ქართულენოვან ანგარიშზე ამერიკელი ფილანტროპის, ჯორჯ სოროსის შემდეგი ციტატა გავრცელდა: „ჩვენ უკრაინა რუსეთთან ომში ტორპედოსავით გვჭირდება. ამ ქვეყნის მოქალაქეების ბედი ჩვენ საერთოდ არ გვაღელვებს“.
გავრცელებული ინფორმაციით, სოროსმა ეს ციტატა 2014 წელს ერთ-ერთ ინტერვიუში თქვა.
ჯორჯ სოროსის სახელით გავრცელებული ციტატა ყალბია. 2014 წელს ჯორჯ სოროსის ინტერვიუებში უკრაინის შესახებ მსგავსი განცხადება არ იძებნება, ხოლო გავრცელებული ფრაზის ნაწილი, რომლის მიხედვითაც მას “უკრაინის ბედი არ ადარდებს”, რეალურად კრემლისტური მედიის მიმომხილველს ეკუთვნის.
სოროსის სახელით აღნიშნული სიტყვები წარსულში რუსულენოვან წყაროებშიც ვრცელდებოდა. 2021 წელს უკრაინულმა ფაქტების გადამოწმების პლატფორმა Vox Ukraine-მ გადაამოწმა და დაადგინა, რომ ასეთი ფრაზა სოროსის არცერთ ინტერვიუში ან განცხადებაში არ გვხვდება.
ფრაზის ბოლო ნაწილი, სადაც სოროსი ამბობს, რომ უკრაინელების ბედი არ ადარდებს, “მითების დეტექტორმა” ადრეც შეამოწმა. ის არა სოროსს, არამედ კრემლისტური მედიის მიმომხილველს ალექსანდრ ზაპოლსკისს ეკუთვნის, რომელმაც აღნიშნული განცხადება 2014 წლის სტატიაში გააჟღერა.
აღსანიშნავია, ჯორჯ სოროსთან დაკავშირებით ყალბი ცნობების და ციტატების გავცელება ცნობილი მეთოდია. მის შესახებ გავრცელებულ კონსპირაციის თეორიებსა და დეზინფორმაციაზე “მითების დეტექტორი” ადრეც წერდა:
- მითები ჯორჯ სოროსის შესახებ
- ვინ ავრცელებს კონსპირაციულ ფილმს სოროსზე, ქართველ სნაიპერებზე და ამერიკელ სამხედროზე?
- არასამთავრობოებისა და სოროსის შესახებ 2 დეზინფორმაცია და 2 კონსპირაცია ვრცელდება
- თქვა თუ არა სოროსმა, რომ COVID-19-მა კონტროლის ინსტრუმენტების დაკანონებას შეუწყო ხელი?
- რუსეთის შესახებ დასავლელი პოლიტიკოსების სახელით გაყალბებული ციტატები ვრცელდება
- არის თუ არა ვოლოდიმირ ზელენსკი ჯორჯ სოროსის ძმისშვილი?
წყაროს შესახებ:
ფეისბუქ მომხმარებელი, ნონა შარაბიძე ანტიდასავლური შინაარსის მცდარ ინფორმაციას და კრემლისტურ ნარატივებს რეგულარულად ავრცელებს. ,,მითების დეტექტორმა” შარაბიძის მიერ გავრცელებული ცნობები აქამდეც არაერთხელ გადაამოწმა.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
