5 მაისს ფეისბუკ-მომხმარებელმა, კობა ავთანდილის ძე კუპრაშვილმა გაავრცელა ყოველკვირეული გამოცემის The Economist-ის გარეკანის ფოტო. იგივე გარეკანი 31 იანვარს რუსულენოვან პლატფორმაზეც გამოქვეყნდა, რომელსაც ერთვის აღწერა: „მოსკოვი თებერვალში სისხლში ჩაიხრჩობა“. გავრცელებული ინფორმაციით, აღნიშნული გარეკანი თებერვლის ნომერს ასახავს.
The Economist- ის გარეკანის ფოტო გაყალბებულია. არც თებერვალში და არც სხვა თვეებში გამოცემას მსგავსი გარეკანით ნომერი არ გამოუშვია.
ყოველკვიერეული ჟურნალის The Economist – ის საიტზე და სოციალური ქსელების ოფიციალურ ანგარიშებზე(X-ზე, Facebook, Instagram) მსგავსი გარეკანი არ გამოქვეყნებულა. თებერვალში ოთხი ნომერი გამოვიდა, თუმცა ყველა მათგანი გავრცელებულისგან განსხვავდება.
საარქივო ნომრებიდან აშკარაა, რომ The Economist -ის ავთენტიკურ გარეკანებს გავრცელებულისგან ოდნავ განსხვავებული სტილიც აქვს. გარდა იმისა, რომ გარეკანის ზედა მარჯვენა კუთხეში ჩამონათვალია იმ საკითებისა, რომელიც ჟურნალშია მიმოხილული, ასევე გარეკანის ცენტრში იწერება აღნიშნული ნომრის სათაურიც.
The Economist -ის ირგვლივ გავრცელებულ სხვადასხვა მანიპულაციაზე “მითების დეტექტორი” ადრეც წერდა.
წყაროს შესახებ:
ფეისბუქ-მომხმარებელი კობა ავთანდილის ძე კუპრაშვილი კორონავირუსის პანდემიის პერიოდში ანტივაქსერული შინაარსის პოსტებს აქტიურად ავრცელებდა. მისი პოსტები ხშირ შემთხვევაში დეზინფორმაციულ და მანიპულაციურ მტკიცებებს შეიცავს, რომლებიც “მითების დეტექტორმა” არაერთხელ გადაამოწმა. 2022 წლის თებერვალში რუსეთის მიერ უკრაინაში სრულმასშტაბიანი შეჭრის შემდეგ, კობა კუპრაშვილი სხვა ანტივაქსერი ფეისბუქ-მომხმარებლების მსგავსად უკრაინისა და ვოლოდიმირ ზელენსკის საწინააღმდეგო გზავნილებს ავრცელებდა.
სტატია Facebok-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
