19 ივნისს ფეისბუქ-ანგარიშმა ფანტინა ფანტინა ფოტო გამოაქვეყნა, რომელზეც ბაკურ სულაკაურის გამომცემლობის ლოგო და წარწერა – “LGBT ბაკურ სულაკაურის გამომცემლობა” არის განთავსებული. პოსტის ავტორის თქმით, “სულაკაური აღარ მალავს გეობას”.
გავრცელებული პოსტი ფოტოფაბრიკაციას შეიცავს. რეალურად, ბაკურ სულაკაურის გამომცემლობას ლოგო წარწერით “LGBT სულაკაურის გამომცემლობა” არ გამოუქვეყნებია და ის პროგრამულადაა დამუშავებული. გავრცელებული ფოტოს ავთენტურობა სულაკაურის გამომცემლობაშიც უარყვეს.
ბაკურ სულაკაურის გამომცემლობის ფეისბუქ-გვერდის პროფილის ფოტოებში მსგავსი ვიზუალის ფოტო ნამდვილად გვხვდება, თუმცა მას წარწერა “LGBT” არ აქვს. კომპანიის ფეისბუქ-გვერდზე 2019 წელს გამოქვეყნებული ფოტო, გამომცემლობის ერთ-ერთი ვარიაციაა. გვერდზე მოგვიანებით ამ ვიზუალის ლოგოს რამდენიმე თემატური ვარიანტია განთავსებული (მაგ: ახალი წელი, გამომცემლობის დაბადების დღე და ა.შ), თუმცა ლგბტქ+ თემატიკას არცერთი მათგანი არ უკავშირდება.
“მითების დეტექტორი” ინფორმაციის დაზუსტების მიზნით “ბაკურ სულაკაურის გამომცემლობასაც” დაუკავშირდა. გავარცელებული ფოტოს ნამდვილობა მათაც უარყვეს.
აღსანიშნავია, რომ ბაკურ სულაკაურის გამომცემლობის წინააღმდეგ მიმართული დისკრედიტაციული კამპანია რამდენიმე თვეა გრძელდება. ჯერ კიდევ აპრილის თვეში რამდენიმე ფეისბუქ-ანგარიშმა სულაკაურის გამომცემლობის წიგნის “ძილისპირული ამბები მეამბოხე გოგონებისთვის” ფოტოები გამოაქვეყნეს. ფოტოები წიგნში დაბეჭდილ ერთ-ერთ მოთხრობას “ქოი მეთისი” ეხებოდა, რომელიც ტრანსგენდერ ბავშვზე გვიყვება. 23 აპრილს ამ თემაზე პოსტი პროსახელისუფლებო ტელევიზია POSTV-ის ჟურნალისტმა ნათია ბერიძემაც გამოაქვეყნა.
წყაროს შესახებ:
- სატანისტური რიტუალი თუ ძველი უკრაინული სიმღერა ცისა და მიწის გაჩენის შესახებ?
- სოციალურ ქსელში 2015 წლის ვიდეოს რუსეთისთვის დაწესებულ სანქციებს უკავშირებენ
- არის თუ არა კომპანია APEEL SCIENCE-ის პროდუქცია საკვებად საშიში?
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
