31 აგვისტოს ფეისბუქზე გავრცელდა ტელეკომპანია “იმედის” სქრინშოტი, რომლის თანახმადაც გამოცემა Forbes Georgia-ს რედაქტორი და ორგანიზაცია “სირცხვილიას” ყოფილი წევრი, შოთა დიღმელაშვილი პარტია “ქართული ოცნების” სახელით იყრის კენჭს და საარჩევნო სიის პირველ ოცეულში იქნება.
შოთა დიღმელაშვილის შესახებ გავრცელებული სქრინშოტი გაყალბებულია. ის პირველად 2020 წელს გავრცელდა, რის შემდეგაც ცნობას დიღმელაშვილი გამოეხმაურა და უარყო. მსგავსი შინაარსის სიახლე იმედს არც 2020 და არც მომდევნო წლებში არ გამოუქვეყნებია.
ტელეკომპანია იმედის სახელით გავრცელებული სქრინშოტი გაყალბებულია და ის პირველად 2020 წელს გავრცელდა. მაშინ ყალბ მტკიცებას დიღმელაშვილი თავის ფეისბუქ-გვერდზე გამოეხმაურა. პოსტის კომენტარებში ის აღნიშნავს, რომ სქრინშოტი გაყალბებულია. დიღმელაშვილი ქართული ოცნების პარტიულ სიაში არ ყოფილა და მსგავსი შინაარსის სიახლე იმედის ვებ-საიტზეც არ იძებნება.
აღსანიშნავია, რომ 2024 წლის აგვისტოში გავრცელებულ სქრინშოტზე სიახლის თარიღი ნაწილობრივ წაშლილია, რათა შეიქმნას შთაბეჭდილება, რომ ამბავი ახალია. თუმცა, ასევე ჩანს, რომ სქრინშოტი სწორედ 2020 წლის დიღმელაშვილის პოსტს გადაუღეს. სურათის ქვედა ნაწილში ჩანს წარწერა “Shota Dighmelashvili/ 20 Aug 2020”
ფეისბუქ-პოსტის არქივის ბმული
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
