31 მარტს სოციალურ ქსელში გავრცელდა მოკლე ვიდეო, რომელშიც პატრიარქის მოსაყრდრის, შიო მუჯირის ფოტო და ციტატა არის წარმოდგენილი. ციტატაში შიო მუჯირი ამბობს, რომ ის ადამიანი, ვინც საკუთარ ქვეყანას ომში დაწყებაში დაადანაშაულებს, მოღალატეა და 9 თაობით იქნება დაწყევლილი.
შიო მუჯირის სახელით გავრცელებული ციტატა ყალბია. მსგავი განცხადება მიტროპოლიტ შიო მუჯირს არ გაუკეთებია და არც საქართველოს საპატრიარქოს ოფიციალურ გვერდზე იძებნება.
გავრცელებული ციტატა ტოვებს შთაბეჭდილებას, თითქოს შიო მუჯირმა ეს განცხადება მას შემდეგ გააკეთა, რაც „ქართული ოცნების“ პარლამენტის დროებითმა საგამოძიებო კომისიამ გენერლები – ზაზა გოგავა და მამუკა ყურაშვილი 2008 წლის რუსეთ-საქართველოს ომის დაწყებასთან დაკავშირებით დაკითხა. ციტატა, რომელშიც შიო მუჯირი ამბობს, რომ ის ადამიანი, ვინც საკუთარ ქვეყანას ომში დაწყებაში დაადანაშაულებს, მოღალატეა და 9 თაობით იქნება დაწყევლილი, ღია წყაროებით არ იძებნება. მსგავსი ან იდენტური საპატრიარქოს ოფიციალურ ვებ-საიტსა და ფეისბუკის გვერდზე არ გვხვდება.
“მითების დეტექტორი” ინფორმაციის გადამოსამოწმებლად საპატრიაქოს საზოგადოებასთან ურთიერთობის სამსახურს დაუკავშირდა. საქართველოს საპატრიარქოს საზოგადოებასთან ურთიერთობის სამსახურის უფროსი, დეკანოზი ანდრია ჯაღმაიძე ადასტურებს, რომ სოციალურ ქსელში გავრცელებული ციტატა ყალბია და პატრიარქის მოსაყდრეს, მიტროპოლიტ შიო მუჯირს განცხადება ომის დაწყებასთან დაკავშირებით არ გაუკეთებია.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
