2022 წლის 6 სექტემბერს ფეისბუკ ჯგუფში “КАК ЭТО БЫЛО?” პროფილმა “Алсу Васильева” გამოაქვეყნა ფოტო წარწერით: “პირველი პერსონალური კომპიუტერი მსოფლიოში შექმნა არა ამერიკულმა ფირმა “ეფლმა” 1975 წელს, არამედ არსენ ანატოლევიჩ გოროხოვმა, საბჭოთა მეცნიერმა ომსკიდან, 1968 წელს”.
პოსტში მოცემული ინფორმაცია სიმართლეს არ შეესაბამება. ინფორმაცია გოროხოვის პატენტის შესახებ რუსულ წყაროებში იძებნება, თუმცა აღნიშნულია, რომ მეცნიერმა იდეის განხორციელება ვერ მოახერხა. პირველი პერსონალური კომპიუტერი აშშ-ში 1970 წელს ჯონ ბლანკენბეიკერმა შექმნა.
ინფორმაცია გოროხოვის შესახებ ინფორმაცია რუსულენოვან (1, 2, 3) და რუსული დომეინის მქონე ქართულენოვან წყაროებში (1, 2, 3) იძებნება, სადაც წერენ, რომ გოროხოვმა 1968 წელს პერსონალური კომპიუტერი გამოიგონა და ის დააპატენტა კიდეც, თუმცა მას დაფინანსებაზე უარი უთხრეს, რის გამოც კომპიუტერის შექმნა ვერ მოხერხდა და მხოლოდ იდეის დონეზე დარჩა. გოროხოვის პატენტში ცხადად მხოლოდ პატენტის მიღებისა და გამოქვეყნების, 1970 და 1973 წლებია მითითებული. შესაბამისად, არ არსებობს რაიმე მტკიცებულება, რაც დაადასტურებს, რომ მან მართლაც 1968 წელს გამოიგონა ეს ტექნოლოგია.
გარდა იმისა, რომ ტექნოლოგია მხოლოდ პატენტის ნახაზებში შემორჩა და იდეა ვერ განხორციელდა, პატენტის დეტალებში მკაფიოდ არ ჩანს, რომ ტექნოლოგია პერსონალურ კომპიუტერს გულისხმობს. გამოგონებას გოროხოვმა “მოწყობილობა დეტალის კონტურის რეპროდუცირების პროგრამის ასამუშავებლად.” (Устройство для задания программы воспроизведения контура детали) უწოდა.
რაც შეეხება პირველ კომპიუტერს, ის არც ამერიკულ კომპანია “ეფლს” არ გამოუგონებია, რომელმაც პერსონალური კომპიუტერი 1975 წელს შექმნა. პირველი პერსონალური კომპიუტერი ჯონ ბლანკენბეიკერს უკავშირდება, ამერიკის შეერთებულ შტატებში 1970 წელს შეიქმნა და კომერციულად ხელმისაწვდომი 1971 წელს გახდა. ბლანკენბეიკერმა 2 წლის მანძილზე 50-მდე კომპიუტერი გაყიდა და შემდეგ მისი კომპანია დაიხურა.
იმის გამო, რომ კენბაკში არ იყო გამოყენებული მიკროპროცესორი, მას ზოგჯერ არ აღიარებენ პირველ პერსონალურ კომპიუტერად. თუმცა, ასეთ შემთხვევაშიც კი, “ეფლზე” ადრე მსგავსი მოწყობილობა, სახელად ALTAIR, რომელიც იმავდროულად მიკროპროცესორით იყო აღჭურვილი, კომპანია MITS-მა 1974 წელს შექმნა.
მსგავსი ინფორმაცია, თითქოს პირველი კომპიუტერული ტექნიკა, კერძოდ ციფრული გამომთვლელი მანქანა პირველად საბჭოთა კავშირში გამოიყენეს, “მითების დეტექტორმა” ადრე გადაამოწმა:
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
