15 სექტემბერს ფეისბუქ მომხმარებელმა Elga Kilasonia გამოაქვეყნა სერბეთის პრეზიდენტის, ალექსანდრ ვუჩიჩის ვიდეო, რომელშიც ის თვალებს და ენას არაბუნებრივად ამოძრავებს. პოსტის ავტორის აღწერით ის “მწყობრიდან გამოვიდა”.
სერბეთის პრეზიდენტის ამსახველი ვიდეო ნამდვილი არაა. ის აპლიკაცია Snapchat-ის ეფექტითაა შეცვლილი, რომელსაც Tongue Twister ჰქვია.
გავრცელებული ვიდეო აპლიკაცია Snapchat-შია დამუშავებული, კერძოდ, გამოყენებულია ეფექტი Tongue Twister, რომელიც აპლიკაციის მომხმარებლებს ადამიანის როგორც უძრავი, ისე მოძრავ გამოსახულებების შეცვლის შესაძლებლობას აძლევს.
აღნიშნული ეფექტის გამოყენებით შექმნილი ვიდეოები არაერთ პლატფორმაზე, მათ შორის ინსტაგრამსა და ტიკ-ტოკზე შეგვიძლია ვნახოთ. ქვემოთ მოცემულია ეფექტის გამოყენების რამდენიმე მაგალითი ცნობილი ფილმის სცენაზე, მუსიკალურ ვიდეოსა და ჯო ბაიდენის საჯარო გამოსვლის ამსახველ ვიდეოზე:
Elga Kilasonia-ს პოსტზე ასევე გვხვდება სხვა ფეისბუქ მომხმარებლების კომენტარები, სადაც ჩანს, რომ ნაწილი გავრცელებულ ვიდეოს რეალურად აღიქვამს, ხოლო ერთ-ერთი ფეისბუქ მომხმარებელის მტკიცებით, ალექსანდრ ვუჩიჩი რეპტილიაა.
კონსპირაცია იმის შესახებ, რომ ცნობილი ადამიანების ნაწილი რეპტილიაა, პერიოდულად ვრცელდება, ვრცლად იხილეთ “მითების დეტექტორის” მასალებში:
- საიდან იღებს სათავეს კონსპირაცია, რომ ილონ მასკი რეპტილიაა?
- “სამყარო სამყარო” და “ანტიეკუმენისტი კატო” ამტკიცებენ, რომ ანგელა მერკელი რეპტილიაა
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
