11 თებერვალს ოპოზიციის მადისკრედიტირებელმა ფეისბუქ-გვერდმა “შიგ ევროპაში” გამოაქვეყნა საპროტესტო აქციის ვიდეო, რომელშიც ისმის, რომ საპროტესტო ლოზუნგის ერთ-ერთი სიტყვა დაცენზურებულია და იქმნება შთაბეჭდილება, რომ მომიტინგეები სკანდირებენ ფრაზას: “დამხობა რეჟიმს, თავისუფლება **ეებს”.
მომიტინგეების ვიდეო მანიპულირებული აუდიოჩანაწერით ვრცელდება. იმავე სიტუაციის ამსახველ სხვა ვიდეოში ისმის, რომ საპროტესტო აქციის მონაწილეები ფრაზას “დამხობა რეჟიმს, თავისუფლება ტყვეებს” სკანდირებენ.
გვერდის “შიგ ევროპაში” გავრცელებული ვიდეოზე ნაჩვენები სიტუაციის ამსახველი კიდევ ერთი ვიდეო ჯგუფში “დაიტოვე” 10 თებერვალს გამოქვეყნდა.
ვიდეოში პროტესტის მონაწილე იმავე ქალებს და მათ გვერდით მდგომ იმავე პოლიციელებს ვხედავთ. ორივე ვიდეოში ჩანს პოლიციელიც, რომელსაც პირბადე უკეთია.
10 თებერვალს გამოქვეყნებულ ვიდეოში ისმის, რომ დემონსტრანტები “დამხობა რეჟიმს, თავისულება ტყვეებს” სკანდირებენ და საპროტესტო აქციების პერიოდში დაკავებულების გათავისუფლებას ითხოვენ. რუსთაველის გამზირზე საპროტესტო აქციების პარალელურად პოლიტპატიმრების გათავისუფლების მოთხოვნით საზოგადოებრივი მაუწყებლის შენობიდან პარლამენტამდე სისტემატურად იმართება მსვლელობაც.
ფესიბუქ-გვერდი “შიგ ევროპაში” იგივე სახელწოდების კიდევ ერთ გვერდთან ერთად სისტემატურად ავრცელების საპროტესტო აქციების და ოპოზიციის მადისკრედიტირებლ პოსტებს.
ორივე გვერდი დისკრედიტაციის მიზნით გავრცელებულ პოსტებს ხშირად ასპონსორებს.
არქივის ბმული: შიგ ევროპაში
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
