4 და 6 ნოემბერს ფეისბუქ მომხმარებლებმა David Intskirveli და Nina Marji გაავრცელეს ინფორმაცია იმის შესახებ, რომ ფრანგი მაშველები იძულებითი აცრის გამო სამსახურს ტოვებენ.
ფეისბუქ მომხმარებლების მიერ ინფორმაცია სრული კონტექსტის გარეშე ვრცელდება და ქმნის შთაბეჭდილებას, რომ კოვიდსაწინააღმდეგო ვაქცინაციის მოთხოვნის გამო მეხანძრეების პროტესტს მასშტაბური ხასიათი აქვს. რეალურად, 15 სექტემბერს ქვემო რეინის მეხანძრე – მაშველების 98.5% სრულად ვაქცინირებული იყო და აღნიშნულ პროტესტში მხოლოდ 20-მდე ადამიანი მონაწილეობდა.
Davit Intskirveli-ისა და Nina Marji-ის პოსტებში წყაროდ Franceinfo-ს 15 სექტემბრის სტატიაა მითითებული. სტატიის მიხედვით, 15 სექტემბრის ქვემო რეინის რეგიონის, კონკრეტულად კი სტრასბურგის 20-მდე მეხანძრე-მაშველმა და მოხალისე მაშველმა სამსახურში კოვიდსაწინააღმდეგო ვაქცინაციის მოთხოვნა გააპროსტა და პროტესტის ნიშნად ჩაფხუტები ძირს დაალაგა.
15 სექტემბრის ამ სტატიაში ხაზგასმულია ის ფაქტი, რომ ქვემო რეინის პროფესიონალი მაშველების 98.5% უკვე ვაქცინირებული იყო. ვაქცინირებულთა პროცენტული წილი რამდენიმე პროცენტით მცირე იყო მოხალისე მაშველებში, რომელთა შორისაც კოვიდსაწინააღმდეგო ვაქცინაცია 95%-ს ჰქონდა ჩატარებული. გამოცემა კომენტარისთვის ქვემო რეინის სახანძრო დეპარტამენტის დირექტორსაც დაუკავშირდა, პოლკოვნიკი რენე სელიეს მიხედვით, ქვემო რეინის 5 000-მდე მეხანძრიდან დაახლოებით 100-ს ვაქცინაციის დამადასტურებელი დოკუმენტი წარმოდგენილი არ ჰქონდა, თუმცა ეს სამაშველო ოპერაციების ჩატარებას არ აფერხებდა.
საფრანგეთში როგორც პროფესიონალი ისე მოხალისე მეხანძრე-მაშველებისთვის კოვიდსაწინააღმდეგო ვაქცინაცია აუცილებელი გახდა. სექტემბრის შუა რიცხვების მონაცემებით, მთელი ქვეყნის მასშტაბით მეხანძრე-მაშველების 85% უკვე ვაქცინირებული იყო, 15 ოქტომბრის მონაცემებით კი ეს რიცხვი 93%-მდე გაიზრდა.
საფრანგეთში კოვიდსაწინააღმდეგო ვაქცინაციის შესახებ გავრცელებული ყალბი ცნობები “მითების დეტექტორმა” ადრეც გადაამოწმა, ვრცლად იხილეთ მასალები:
- საპენსიო რეფორმა თუ პროტესტი კოვიდრეგულაციების გამო? – რას ასახავს ვიდეო
- როცა 100-30 არ უდრის 70%-ს
- მთავრობის სასახლე თუ ქალაქ შამბერის მერია?
- რას ასახავს ვიდეო, რომელსაც ანტივაქსერულ პროტესტს მიაწერენ
- როდის და რისთვის გამოვიდა პარიზში ხალხი ქუჩაში?
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
