1 ივლისს ტელეკომპანია კავკასიის ფეისბუქ-გვერდზე გამოქვეყნდა ვიდეო, რომლის თანახმადაც, სახლის მძარცველი ქურდი და ძაღლი დამეგობრდნენ.
ვიდეო, თითქოს ქურდი და ძაღლი დამეგობრდნენ, არასწორი აღწერით ვრცელდება. რეალურად, ვიდეო სახუმარო შინაარსისაა, ძარცვას არ ასახავს და ტიკ-ტოკ მომხმარებელმა საკუთარ ძაღლთან გადაიღო.
ვიდეო 24 ივნისს ტიკ-ტოკ მომხმარებელმა beauxworld_ გაავრცელა წარწერით: “როცა შენს სახლში შემოჭრილ ადამიანს ძაღლთან თამაშის დროს გამოიჭერ”. ვიდეოს აღწერაში კი წერია: “თუ ძაღლს მოეწონა, ნებისმიერ დროს შეუძლია დაბრუნდეს”.
Beauxworld_ ტიკ-ტოკ ანგარიში მთლიანად მის ძაღლზე, ბოუზეა ორიენტირებული და ძაღლთან დაკავშირებით სხვადასხვა გასართობ ვიდეოს აქვეყნებს.
გავრცელებულ ვიდეოში ძაღლი უჩვეულოდ მეგობრულია “უცხო” ადამიანის მიმართ, რის გამოც ბევრმა ტიკ-ტოკ მომხმარებელმა კომენტარებში აღნიშნა, რომ ძაღლი ადამიანს უნდა იცნობდეს. 6 ივლისს beauxworld_-მა კიდევ ერთი ვიდეო გამოაქვეყნა, რომელშიც უფრო ცხადია, რომ ვიდეოში ქურდს თავად ასახიერებს. ვიდეოში “მძარცველი” ცეკვავს, ძაღლს ეთამაშება და აჭმევს და კამერის წინ ბანერს სწევს.
მეორე ვიდეოს კომენტარებში ერთ-ერთი მომხმარებელი აღნიშნავს, რომ ვიდეოში თავად ძაღლის პატრონია და ძაღლი ამიტომაა ასე წყნარად, რაზეც beauxworld_ პასუხობს: “თავი ვერ შევიკავე”.
კიდევ ერთმა მომხმარებელმა აღნიშნა, რომ X-ზე ვიდეო ისე გაავრცელეს, თითქოს რეალობას ასახავდა.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
