POSTV-ის მანიპულაცია, თითქოს მთავარი არხი მაყურებელს კონსტიტუციის დღეს არ ულოცავს 

კითხვის დრო: 2 წუთი

კითხვის დრო: 2 წუთი

postv
41
VIEWS

24 აგვისტოს სამთავრობო სარედაქციო პოლიტიკის მქონე მედია POSTV-მ ფეისბუქზე გამოაქვეყნა საინფორმაციო ბარათი (ქარდი), რომლის მიხედვითაც, ტელეკომპანია ,,მთავარმა არხმა” მაყურებელს, საქართველოს კონსტიტუციის დღის ნაცვლად, უკრაინის დამოუკიდებლობის დღე მიულოცა. საინფორმაციო ბარათზე ჩანს ,,მთავარი არხის” მიერ უკრაინის დამოუკიდებლობის დღის მისალოცი ფეისბუქ პოსტი. 

POSTV

POSTV მანიპულაციურად ავრცელებს ინფორმაციას, თითქოს ,,მთავარი არხი” მაყურებელს უკრაინის დამოუკიდებლობის დღეს ულოცავს, ხოლო კონსტიტუციის დღეს – არა. რეალურად, “მთავარმა არხმა” უკრაინის დამოუკიდებლობის დღის მილოცვის შემდეგ, პოსტი საქართველოს კონსტიტუციის დღესთან დაკავშირებითაც დადო. 

24 აგვისტო უკრაინის დამოუკიდებლობისა და საქართველოს კონსტიტუციის მიღების დღეა. ამავე დღეს ტელეკომპანია ,,მთავარმა” 12:07 საათზე უკრაინის დამოუკიდებლობის დღის მისალოცი პოსტი გამოაქვეყნა, აღწერით: ,,24 აგვისტო უკრაინის დამოუკიდებლობის დღეა!”. რამდენიმე წუთის შემდეგ კი, 12:52 საათზე, გამოაქვეყნა საქართველოს კონსტიტუციის დღესთან დაკავშირებული პოსტი და დაწერა, რომ 1995 წლის 24 აგვისტოს საქართველოს კონსტიტუცია მიიღეს. 

POSTV

24 აგვისტოს ,,მთავარი” არხის მიერ გამოქვეყნებული პოსტები

,,მთავარმა” არხმა კონსტიტუციის დღის აღსანიშნი პოსტი ფეისბუქზე მანამდე გამოაქვეყნა, სანამ სამთავრობო მედია აღნიშნავდა, რომ ტელეკომპანია მაყურებელს, კონსტიტუციის დღის ნაცვლად, უკრაინის დამოუკიდებლობის დღეს ულოცავს. ორი მედიის მიერ აღნიშული პოსტების გამოქვეყნების შუალედი მხოლოდ ერთი წუთი იყო, თუმცა POSTV-ის შემდგომშიც არ მიუმართავს მასალის ჩასწორების ეთიკური სტანდარტისთვის და დამატებითი ახსნის გარეშე, ფეისბუქზე კვლავაც უდევს საინფორმაციო ბარათი, რომლის მიხედვითაც, ოპოზიციურმა ტელევიზიამ მაყურებელს უკრაინის დამოუკიდებლობის დღე მიულოცა, ხოლო კონსტიტუციის დღე – არა. 

POSTV

POSTV ინფორმაციას მანიპულაციურად ხშირად ავრცელებს, განსაკუთრებით, ოპოზიციონერი პოლიტიკოსების წინააღმდეგ. ასეევ, ხშირად ამახინჯებს ან კონტექსტის გარეშე ავრცელებს მათ ციტატებს. ,,მითების დეტექტორი” აკვირდება და სისტემატურად ამოწმებს აღნიშნული მედიის მიერ გავრცელებულ საეჭვო ცნობებს:

არქივის ბმული


სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს.  შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.

იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.

თემატიკა: მედია
დარღვევის ტიპი: მანიპულაცია
ქვეყანა/ორგანიზაცია: უკრაინა
წყარო

წყარო

post
პოს ტვ (POS TV)

ბოლო სიახლეები

Welcome Back!

Login to your account below

Retrieve your password

Please enter your username or email address to reset your password.

Add New Playlist