2024 წლის 27 დეკემბერს სოციალურ ქსელ Facebook-ზე ფეხბურთელ შოთა არველაძის ციტატა გავრცელდა, სადაც ის ირაკლი კობახიძეს ვილი სანიოლის შეცდომებზე სასაუბროდ იწვევს. ციტატა გავრცელდა Facebook გვერდებსა და ჯგუფებში: “ანტი-მაიდანი!”, “სპორტერი”, “სპორტული სიახლეები”, “ჰოლონი • Holon”.
შოთა არველაძე: ,,ვიწვევ ბატონ პრემიერს ბოლო სანაკრებო პაუზის დროს ვილი სანიოლის შეცდომებზე სასაუბროდ. წამოიყვანოს ვინც მას უნდა…”
გავრცელებული ციტატა, რომელსაც შოთა არველაძეს მიაწერენ, არც მის ფეისბუქ გვერდზე და არც სხვა ღია წყაროებში არ იძებნება.
შოთა არველაძის გაყალბებული ციტატა პირველად ერთ-ერთმა ფეისბუქ მომხმარებელმა Facebook ჯგუფში “გირჩის ბაბლში” გაავრცელა წარწერით: “ჩემი ვერსია 😁”.
შემდგომში იგივე საინფორმაციო ბარათი (ქარდი) სხვა მომხმარებლებმა პირველწყაროს კომენტარის გარეშე გაავრცელეს, რამაც შექმნა ყალბი წარმოდგენა, თითქოს აღნიშნული განცხადება მართლაც შოთა არველაძეს ეკუთვნის.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
