2023 წლის 6 ოქტომბერს ფეისბუკ გვერდმა Zoommer Laptops-მა გამოაქვეყნა პოსტი, რომელიც მოუწოდებს მომხმარებლებს, შეიძინონ ლეპტოპები 5,5 ლარად. პოსტის მიხედვით, კომპანია არ არის კმაყოფილი მიღებული ლეპტოპების ხარისხით, ამიტომ „ზუმერს“ სურს, რაც შეიძლება სწრაფად ამოყიდოს ისინი. იდენტურ განცხადებას ავრცელებს მსგავსი სახელწოდების კიდევ ერთი გვერდი “Laptops Sale Zoommer.”
5 ოქტომბერს კიდევ ერთმა გვერდმა სახელად “Jase Robbins” გამოაქვეყნა განცხადება, რომელშიც ნათქვამია, რომ ერთ წელზე მეტი ასაკის ტელეფონები უნდა გადაიყაროს. ამიტომ მაღაზია მათ 5,5 ლარად ყიდის.
გარდა ამისა, ფეისბუკის რეკლამის განყოფილების მიხედვით, გვერდების მიერ გამოქვეყნებული პოსტები (1,2) დასპონსორებულია.
კომპანია Zoommer-ის სახელით მოქმედი გვერდები თაღლითობის ნიშნებს ატარებს. Zoommer-ის ოფიციალურ გვერდს ინფორმაცია მსგავსი აქციების შესახებ არ გაუჟღერებია. გარდა ამისა, გვერდი “Jase Robbins” მსგავსი ტიპის შინაარსს წარსულში შვედურ ენაზეც ავრცელებდა.
-
გვერდი “Zoommer Laptops” ყალბი გვერდია და მას რეალურ კომპანიასთან საერთო არ აქვს
მიუხედავად იმისა, რომ გვერდს რეალურის მსგავსი პროფილისა და გარეკანის ფოტოები აქვს, ადვილად ამოსაცნობია, რომ გვერდი “Zoommer Laptops” ყალბია. პირველ რიგში, ამას მოწმობს მისი ზოგადი ინფორმაციის სექცია:
| Zoommer-ის ოფიციალური გვერდი: | გვერდი Zoommer Laptops: |
 |
 |
აღსანიშნავია, რომ გვერდებს მხოლოდ აღწერის ნაწილი აქვთ იდენტური. გვერდი Zoommer Laptops არ უთითებს კონკრეტულ მისამართს, რაც ავთენტიკურ გვერდზე მითითებულა. Zoommer Laptops-ის მიერ მითითებული ელ-ფოსტა ასევე საეჭვოდ გამოიყურება, რადგან მას არაოფიციალური დომენის დაბოლოება აქვს.
ამას გარდა, გვერდი „Zoommer Laptops“ რეკლამის გამოქვეყნების დღეს, 6 ოქტომბერსაა შექმნილი.
სხვა პოსტები კოპირებულია Zoommer-ის ავთენტიკური გვერდიდან ყოველგვარი ცვლილების გარეშე.
აღსანიშნავია, რომ პოსტს თან ახლავს “კმაყოფილი მომხამრებლების” ქართულენოვანი კომენტარები, რომლებიც აშკარად არ ეკუთვნის ქართველ მომხმარებლებს.
დამატებით, კომენტარების ავტორების პროფილების ანალიზისას იკვეთება საერთო მახასიათებლები. ყველა მათგანს პროფილსა და გარეკანზე ერთნაირი სურათები უდევთ. ყველა მათგანი შექმნილია 2022 წლის სექტემბრის შემდეგ.
მაგალითად:
გვერდებთან დაკავშირებული ეჭვების გარდა, ფოტოზე ნაჩვენები ლეპტოპები, Lenovo ideapad 3 15itl6, საერთოდ არ იყიდება Zoommer-ში.
Ideapad 3-ის სხვა ვერსიების ფასი 1200-დან 2500 ლარამდეა.
-
გვერდი “Laptops Sale Zoommer” თაღლითობის ნიშნებს შეიცავს
მოცემული გვერდის კომპონენტები და შინაარსი ემთხვევა Zoommer Laptops-ს. რაც ძირითადი თაღლითური შინაარსი იგივეა და ერთი დღით ადრეა გამოქვეყნებული.
წინა მაგალითთან შედარებით საკონტაქტო ინფორმაცია უკეთაა შენიღბული, თუმცა ელფოსტა ამ შემთხვევაშიც არაოფიციალურია; მისამართი აქაც არაა დაკონკრეტებული.
გვერდი 2023 წლის 5 ოქტომბერსაა შექმნილი.
-
გვერდი “Jase Robbins” თაღლითობის არაერთ ნიშანს შეიცავს
როგორც სურათზეა ნაჩვენები, გვერდი ასევე Zoomer-თან აფილირებას ცდილობს:
გვერდი საერთოდ არ შეიცავს საკონტაქტო ინფორმაციას:
გარდა ამისა, გვერდი 2022 წლის 6 სექტემბერსაა შექმნილი. თუმცა, ამ პერიოდში გამოქვეყნებული პოსტები და კომენტარები მხოლოდ შვედურ ენაზეა:
პოსტების დიზაინი და შინაარსი პრაქტიკულად ერთნაირია.
ლინკზე გადასვლის შემდეგ, გვერდს მომხარებელი 7towin2.shop-ზე გადაყავს, რომელიც თაღლითურ შინაარსს შეიცავს. გვერდი მომხმარებელს აცნობებს, რომ ისინი Zoomer-ის კამპანიას შეუერთდნენ და Iphone 14 Pro-ს შეძენა მხოლოდ 5,5 ლარად შეუძლიათ.
-
გვერდები სავარაუდოდ ერთმანეთთანაა დაკავშირებული
იდენტური სააქციო ფასის (5,5 ლარი) გარდა, გვერდებს შორის უფრო მეტი მსგავსება იკვეთება. პირველი, მსგავსია მათი აქტივობის პერიოდი. გვერდებმა თაღლითური განცხადებები ერთი დღის სხვაობით გამოაქვეყნეს. ასევე, ორივე გვერდი ცდილობს შენიღბვას და Zoommer-თან ასოცირებას.
თუმცა, როგორც ჩანს, მსგავსებაა მათ კმაყოფილ „მომხმარებლებშიც“ შეგვიძლია ვიპოვნოთ. მაგალითად, ერთი და იგივე ანგარიშები შეიძლება შეამჩნიოთ ორივე გვერდის კომენტარების განყოფილებაში, ზოგჯერ სხვადასხვა ენაზე.
მოამზადა ლუკა ჩიტიანმა
მითების დეტექტორის ლაბორატორია
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
