29 აპრილს ფეისბუქზე გავრცელდა პოსტი, რომლის მიხედვითაც “ქართული ოცნების” წევრი და ოლიმპიური ჩემპიონი, ლაშა ტალახაძე პოლიტიკიდან სპორტში ბრუნდება.
გავრცელებული ციტატა ყალბია და ლაშა ტალახაძეს არ ეკუთვნის. ტალახაძეს მსგავსი შინაარსის პოსტი არ გამოუქვეყნებია და “მითების დეტექტორთან” კომენტარშიც დაადასტურა, რომ პოსტი ყალბია და პოლიტიკიდან არ მიდის.
გავრცელებული ფეისბუქ-პოსტი ყალბია, ლაშა ტალახაძეს მსგავსი შინაარსის პოსტი ფეისბუქზე არ გამოუქვეყნებია და “მითების დეტექტორთან” კომენტარშიც დაადასტურა, რომ პოლიტიკიდან წასვლას არ გეგმავს.
პოსტის იგივე სქრინშოთი 22 აპრილს ფეისბუქ-ანგარიშმა “მრისხანე ბაბუაწვერამ” გამოაქვეყნა.
ფეისბუქ-მომხმარებელი “მრისხანე ბაბუაწვერა” საკუთარ თავს თედო აბაშიძეს უწოდებს და ამ და სხვა სახელებით არაერთი ანაგარიში აქვს (1,2,3). სავარაუდოდ, მასთან არის დაკავშირებული ანგარიშიც – მამა შალვა კეკელია. “მრისხანე ბაბუაწვერას” მიერ გავრცელებული ყალბი ციტატები, მათ შორის “თეა აბაშიძისა” და “ნანა ბიწაძის” სახელის მქონე ანგარიშებით, “მითების დეტექტორს” არაერთხელ აქვს გადამოწმებული.
ასევე რამდენჯერმე გავრცელებულა გაყალბებული ციტატები ლაშა ტალახაძის სახელით.
- ყალბი ციტატა, თითქოს ლაშა ტალახაძე თავს “ჰომოსაპიენსად” არ აიდენტიფიცირებს
- ყალბი ციტატა, თითქოს ლაშა ტალახაძემ ბიძინა ივანიშვილს მესია უწოდა
სტატია Facebok-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
