სოციალურ ქსელში იტალიელი კარდინალის ჯოვანი ბატისტა რეს შემდეგი ციტატა ვრცელდება (1,2,3,4,5,6,7,8,9,10): “ვუსმენდი ქართველების ამ საოცარ ხმას სიქსტეს კაპელაში, მათ “ოროველას,” პური ჩვენი არსობისას საგალობელს, ჰიმნს ღმერთთან მოშორების სევდაზე, პატიოსანი, მუშაკი კაცის მედიტაციას და ცრემლები მდიოდა.
თუ ევროკავშირი ამ ხალხს ჩემი მიწიერი ყოფის განმავლობაში გულში არ ჩაიკრავს, ყველას ანათემას გადავცემ.”
სამების საკათედრო ტაძრის მგალობელთა გუნდი სიქსტეს კაპელაში 26 ივნისს გამოვიდა. აღნიშნული ციტატის გავრცელება სხვადასხვა ფეისბუქ ჯგუფში მათ შორის “ბიძინა ივანიშვილის მხარდამჭერებში” სწორედ 26 ივნისის საღამოს დაიწყო.
კარდინალი ჯოვანი ბატისტა რეს ციტატა გამოგონილია და ის ერთ-ერთმა ფეისბუქ მომხმარებელმა სატირულად გაავრცელა. რეალურად, კარდინალს სიქსტეს კაპელაში ქართველების გამოსვლის მოსმენის შემდეგ არ უთქვამს, რომ თუ ევროკავშირი მათ გულში არ ჩაიკრავდა, ყველას ანათემას გადასცემდა.
26 ივნისის საღამოს 21:33 საათზე ფეისბუქ მომხმარებელმა Guram Megrelishvili კარდინალ ჯიოვანი ბატისტა რეს გავრცელებული ციტატა გამოაქვეყნა.
პოსტის კომენტარებიდან აშკარაა, რომ ციტატა გამოგონილია, სატირული შინაარსით გავრცელდა და სიმართლეს არ შეესაბამება.
აღსანიშნავია ისიც, რომ გურამ მეგრელიშვილი წარსულში სხვა ცნობილი ადამიანების მათ შორის ელისაბედ მეორესა და ლუქსემბურგის ჰერცოგის სატირული შინაარსის მქონე გამოგონილ ციტატებსაც ავრცელებდა. მაგალითად, დიდი ბრიტანეთის დედოფლის შესახებ პოსტში ელისაბედ მეორე ელარჯის შესახებ საუბრბოს, ხოლო ლუქსემბურგის დიდი ჰერცოგი – კახური სუფრის.
საინტერესოა ისიც, რომ გურამ მეგრელიშვილის მიერ კადრინალის გამოგონილი ციტატის გავრცელების შემდეგ ეს ინფორმაცია, გარდა სხვადასხვა ფეისბუქ მომხმარებლისა და გვერდისა, ონალინ გამოცემა Exclusivetv.ge-მაც გამოაქვეყნა. თუმცა მასალა ამჟამად ხელმისაწვდომი აღარაა.
ხაზგასასმელია, რომ კარდინალი ჯოვანი ბატისტას აღნიშნული ციტატა ვატიკანის ოფიციალურ ვებ-გვერდზე ან ტვიტერის ანგარიშზე არ იძებნება.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომელიც ამ სტატიის საფუძველზე Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
