16 ივნისს ფეისბუქ-ანგარიშმა “ძირს სიონისტთა სისტემა” გამოაქვეყნა ვიდეო-კოლაჟი, რომელიც პალესტინასა და ისრაელში ნგრევას ასახავს. კადრები 2025 წლითაა დათარიღებული.
ვიდეო, რომელიც ისრაელში ნგრევას ასახავს ხელოვნური ინტელექტით არის გენერირებული და რეალობას არ შეესაბამება.
კოლაჟის პირველი ნაწილი, რომელიც ღაზას ასახავს, რეალურია და მისი პირველწყარო ჟურნალისტი ოსამა აბო რაბია. ვიდეო ინსტაგრამზე 23 იანვარს გამოქვეყნდა.
კოლაჟის მეორე ნაწილს რაც შეეხება, ის ხელოვნური ინტელექტის გამოყენებით არის გენერირებული და შესაბამისად ისრაელს არ ასახავს. ვიდეო სხვადასხვა პლატფორმებზეც გავრცელდა. X–ზე გამოქვეყნებულ ერთ-ერთი უკეთესი ხარისხის ვერსიაში უფრო შესამჩნევია ხარვეზები, რომლებიც ხელოვნური ინტელექტით გენერირებულ ვიზუალს ახასიათებს. შენობების სახურავზე ადამიანები გამოსახულებები და ჩრდილები უძრავია, როცა გამოსახულებაში ჩანს, როგორ მოძრაობენ მანქანები. ასევე კადრებში არაბუნებრივად ჩანს ხეებიც და შენობების ნგრევის მიუხედავათ, ხეებს დაზიანების კვალი არ ეტყობა.
ვიდეო ფაქტების გადამოწმების არაბულმა სააგენტომ, Misbar–მაც გადაამოწმა. გამოცემის მიხედვით, ვიდეო ტიკ-ტოკ გვერდიდან 3amelyon3 გავრცელდა. Misbar-ის თანახმად, ფეისბუქზე გავრცელებული ვიდეო ირან-ისრაელის კონფლიქტის დაწყებამდე, 28 მაისს გამოქვეყნდა, შესაბამისად, ის ისრაელზე შეტევების შედეგად გამოწვეული ნგრევის ამსახველი ვერ იქნება. Misbar-ის თანახმად, აღნიშნული ტიკ-ტოკ ანგარიში ახლო აღმოსავლეთთან დაკავშირებით ხელოვნური ინტელექტით გენერირებულ ვიზუალებს აქვეყნებდა.
სქრინშოთის წყარო Misbar
23 ივნისის მონაცემებით 3amelyon3-ზე პოსტები წაშლილია, თუმცა ანგარიშის აღწერაში მითითებულია ტელეგრამ-არხი @amelyon313, რომელზეც ხელოვნური ინტელექტის გამოყენებით შექმნილი და ნგრევის ამსახველი ვიდეოებია გამოქვეყნებული.
ტელეგრამ არხზე კვლავ იძებნება ფეისბუქზე გავრცელებული ვიდეო, რომელსაც ისრაელს მიაწერენ. АI გენერირებული ვიდეო ტელეგრამზე 28 მაისს ირანის და ისრაელის კონფლიქტამდეა გამოქვეყნებული.
მოამზადა ნინო კვარაცხელიამ
მითების დეტექტორის ლაბორატორია
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
