19 იანვარს, ფეისბუკ მომხმარებლებმა (1, 2 ) გამოაქვეყნეს ფოტო, რომელზეც აღწერების მიხედვით, ლოს-ანჯელესში ხანძრის დროს გადარჩენილი მართლმადიდებლური ტაძარი ჩანს.
ლოს-ანჯელესში ხანძარს გადარჩენილი მართლმადიდებლური ტაძარი ხელოვნური ინტელექტის (AI) მიერაა გენერირებული. ინტერნეტში არ იძებნება ამ ტაძრის სხვა ფოტო. გარდა ამისა, სურათი რომ AI გენერირებულია, ხელოვნური ინტელექტის ამომცნობმა ხელსაწყო Hive Moderation – მაც დაადასტურა.
გავრცელებული ფოტო ხელოვნური ინტელექტის მიერაა გენერირებული. სურათი ფაქტების გადამოწმების პლატფორმა Logicallyfacts.com – მა ხელოვნური ინტელექტის ამომცნობ ხელსაწყოთი Hive Moderation გადაამოწმა. ხელსაწყოს შედეგების მიხედვით, ფოტო 98.5 % -ით AI გენერირებულია.
გარდა აღნიშნული ხელსაწოთი გადამოწმებისა, logicallyfacts-მა ინტერნეტში, საკვანძო სიტყვების მეშვეობით მოიძია ინფორმაცია ლოს-ანჯელესში მდებარე მართლამდიდებლურ ტაძრებზე. ფოტოზე სანაპიროც ჩანს, რაც იმაზე მიუთითებს, რომ ტაძარი სანაპიროსთან ახლოს უნდა იყოს.
Google Maps-ზე ძიება აჩვენებს, რომ სანაპიროსთან ახლოს, მალიბუს, წყნარი ოკეანის პალიზადისა და ლოს-ანჯელესის რაიონებში, რომლებიც ტყის ხანძრის შედეგად დაზარალდნენ, მსგავსი ტაძრები არ არის.
ლოს-ანჯელესში ტყის ხანძრების რამდენიმე კერას 7 იანვრიდან ებრძვიან. ხანძრებმა ამ დროისთვის 27 ადამიანის სიცოცხლე იმსხვერპლა. ამ თემაზე “მითების დეტექტორმა” უკვე რამდენიმე მასალა მოამზადა.
ამ დროისთვის მეხანძრეები ორ მთავარ კერას ებრძვიან:
- Palisades-ის კერა – ლოკალიზებულია 61%, დამწვარია 23,713 ჰექტარი.
- Eaton -ის კერა – ლოკალიზებულია 87%, დამწვარია 14 021 ჰექტარი.
წყაროს შესახებ:
ფეისბუკ-მომხმარებლის Levan Tavdishvilii – ის მიერ გავრცელებული დეზინფორმაცია “მითების დეტექტორს” არაერთხელ გადაუმოწმებია.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
