8 ნოემბერს Thread-ზე გამოქვეყნდა ვიდეო, რომელშიც პარიზში, ეიფელის კოშკთან მოსიარულე ვირთხები ჩანს. “დღეს დილით პარიზი ვირთხებით გაივსო” – ვკითულობთ პოსტის აღწერაში.
გავრცელებული ვიდეო ხელოვნური ინტელექტითაა გენერირებული. ვიდეო თავდაპირველად ტიკტოკზე გავრცელდა, სადაც მითითებულია, რომ კადრები AI-ის მიერაა გენერირებული. პარიზში ვირთხების მასობრივ გამოჩენაზე ინფორმაცია არც ფრანგულ მედიაში გავრცელებულა.
ვიდეო, რომელშიც ეიფელის კოშკის მიმდებარე ტერიტორიაზე ვირთხები მოძრაობენ, ხელოვნური ინტელექტითაა გენერირებული. Thread-ზე გავრცელებამდე, 5 ნოემბერს ვიდეო ტიკტოკ ანგარიშზეც აიტვირთა. გამოქვეყნებულ პოსტში მითითებულია, რომ ვიდეო AI ტექნოლოგიითაა შექმნილი. ვიდეოში ხელოვნური ინტელექტისთვის დამახასიათებელი ხარვეზიც არის. მაგალითად, მე -7 წამზე, ერთ-ერთი ვირთხა მეორეს უახლოვდება და შემდეგ მეორე ვირთხას ერწყმის და გამოსახულებიდან ქრება.
აღსანიშნავია, რომ ფრანგულ რეპუტაციულ მედიაში (France 24, Lemonde, AFP), ნოემბერში, პარიზში ვირთხების დიდი რაოდენობით გამოჩენაზე ინფორმაცია არ გავრცელებულა.
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
