სოციალურ ქსელში გავრცელდა ვიდეო (1, 2, 3) რომელშიც სტილისტი და მსახიობი, ლგბტქ+ თემის წარმომადგენელი ჯონათან ვან ნესი თეთრი სახლის ტრიბუნასთან დგას. აღწერების მიხედვით ის თეთრი სახლის ახალ პრესმდივნად აირჩიეს და “შავკანიან ლესბოსელს” კარინ ჟან-პიერს ჩაანაცვლებს. კომენტარებში მომხმარებლების ნაწილი ამ ამბავს, როგორც რეალურს ისე აღიქვამს.
ვიდეოში, თეთრი სახლის ტრიბუნასთან მოსაუბრე ადამიანი ნეტფლიქსის რეალითი შოუს ” Queer Eye” ერთ-ერთი მონაწილე ჯონათან ვან ნესია. მას და სხვა მსახიობებს 19 ივნისს აშშ-ის ვეცე-პრეზიდენტმა კამალა ჰარისმა თეთრ სახლში უმასპინძლა, რათა ლგბტქ+ თემის მიერ 20 წლის განმავლობაში მიღწეული პროგრესი განეხილათ. ჯონათან ვან ნესი თეთრი სახლის პრესმდივნად არ აურჩევიათ. მან ვიზიტისას იმიტირებული ბრიფინგი გამართა და პრესმდივნის როლი გაითამაშა.
19 ივნისს თეთრ სახლში აშშ-ის ვიცე-პრეზიდენტი კამალა ჰარისი ნეტფლიქსის რეალითი შოუს Queer Eye -ის მსახიობებს შეხვდა. მათ შორის იყო ჯონათან ვან ნესი, რომელიც ვიდეოში ტრიბუნასთან დგას. ამის შესახებ ინფორმაცია კამალა ჰარისმა X-ზე გამოაქვეყნა.
აშშ-ის ვიცე-პრეზიდენტი წერს, რომ მსახიობებთან განიხილა ლგბტქ+ თემის მიერ ბოლო ოცი წლის განმავლობაში მიღწეული, მძიმე ბრძოლით მოპოვებული პროგრესი.
ჯონათან ვან ნესმა თეთრ სახლში იმიტირებული ბრიფინგი გამართა და პრესმდივნის როლი გაითამაშა. ის პრესმდივნად არ აურჩევიათ.
წყაროს შესახებ:
ფეისბუკ-ანგარიშს Георгий Кушиташвили დეზინფორმაცია წარსულშიც არაერთხელ გაუვრცელებია.
გრიშა მკრტჩიან
მითების დეტექტორის ლაბორატორია
სტატია Facebook-ის ფაქტების გადამოწმების პროგრამის ფარგლებში მომზადდა. მასალებზე, რომლებსაც ამ სტატიის საფუძველზე მიენიჭათ ვერდიქტი, Facebook-მა შესაძლოა, სხვადასხვა შეზღუდვა აამოქმედოს. შესაბამისი ინფორმაცია იხილეთ ამ ბმულზე. ჩვენი შეფასების გასაჩივრების და შესწორების შესახებ ინფორმაცია ხელმისაწვდომია ამ ბმულზე.
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.
