ანი ქისტაური მედიის განვითარების ფონდში 2021 წლის იანვრიდან მუშაობს. ის არის სოციალური მედიის ყალბ ანგარიშებზე და კოორდინირებულ ქცევაზე ორიენტირებული მკვლევარი. იგი მუშაობდა ისეთ კვლევებზე, როგორიცაა მედიის ფინანსური გამჭვირვალობა - 2020 და ინფორდემია საქართველოში 2020. ანი არის მედიაწიგნიერების თამაშის Dr. Fake-ის თანაავტორი. როგორც მითების დეტექტორის ლაბორატორიის კურსდამთავრებული, ანი არის მულტიმედიური კონტენტის კონკურსის გამარჯვებული. მისი პუბლიკაცია ეხებოდა საბჭოთა აქტიურ ღონისძიებებს, რომლებსაც რუსეთი დღესაც აქტიურად იყენებს. ანის აქვს ბაკალავრის ხარისხი ფილოსოფიაში ილიას უნივერსიტეტიდან და შედარებითი ლიტერატურის მაგისტრის ხარისხი. 2017 წელს გაიარა სტაჟირება ილიას სახელმწიფო უნივერსიტეტის ადმინისტრაციაში და მანამდე მუშაობდა ორგანიზაცია „ამერიკულ-ქართული ინიციატივა ლიბერალური განათლებისთვის“ რეგიონულ კოორდინატორად.