სოციალურ ქსელების რუსულენოვან ანგარიშებზე – ფეისბუკსა და ინსტაგრამზე საპროტესტო აქციის პოსტერი გავრცელდა, რომელზეც პროტესტის ერთ-ერთ მონაწილეს რუსულენოვანი ბანერი უჭირავს შემდეგი წარწერით: Путин ты мой рот е**л– “პუტინ, პირში შ*მ*ცი”. ანგარიშები წერენ, ეს იმიტომ ხდება, საქართველოში რუსულ ენას რომ აღარ ასწავლიან.
იგივე პოსტერი სხვადასხვა სოციალურ ქსელში 2019-2023 წლებშიც ვრცელდებოდა (1, 2, 3).
რუსულენოვან ანგარიშებზე გავრცელებული პოსტერი გაყალბებულია. ავთენტიკურ ვერსიაში საპირისპირო მნიშვნელობის წარწერაა და 2019 წელს, თბილისში, ე.წ. გავრილოვის ღამის აქციების დროს არის გადაღებული.
სოციალურ ქსელში გავრცელებული რუსულენოვანი პოსტერი პროგრამულადაა დამუშავეული. რეალურ ვერსიაში შემდეგი წარწერაა: Путин я твой рот е**л”- პუტინ, პირში შ*გ*ცი”. პოსტერი 2019 წელს საპროტესტო აქციების დროს არის გადაღებული და ერთ-ერთ ონლაინ პლატფორმაზე იძებნება.

2019 წლის 20 ივნისს საქართველოს პარლამენტის თავმჯდომარის სავარძელში რუსეთის დეპუტატი, სერგეი გავრილოვი იჯდა. მან პრეზიდენტის რანგში გახსნა მართლმადიდებლობის საპარლამენტთაშორისო ასამბლეის სხდომა, რომელიც მალევე ჩაიშალა. აღნიშნულს თბილისში მასობრივი საპროტესტო აქციები მოჰყვა და გავრილოვი თბილისდან გააძევეს. აღნიშნული პოსტერის ფოტო სწორედ ამ აქციაზეა გადაღებული.
სტატია Facebook-ის ფაქტების გადამოწმების პროგრამის
იხ. მასალის შესწორების დეტალური ინსტრუქცია.
იხ. გასაჩივრების დეტალური ინსტრუქცია.